كرر كلمة (ياالله) امام اي فتنة او شهوة او اي معصية وشوف شنو

كرر كلمة (ياالله) امام اي فتنة او شهوة او اي معصية وشوف شنو يصير معاك

--------------------------------------------------------------------------------

بسم الله الرحمن الرحيم

السلام عليكم ورحمة الله وبركاته

ادري ان كل واحد منكم سمع نصائح كثيرة وحب انه يطبقها لكن مرات مايقدر يطبق النصيحة لوجود الشهوات والفتن اللي تكون مرات اقوى مننا

اخواني واخواتي ابشركم بخير ان في علاج لشهوات والفتن والعادات اللي مانقدر نبعد عنها وماابي منكم الا الدعاء لي وتقدرون تجربونها بنفس اللحظه اللي قاعدين تقرون فيها الموضوع

كلمة الله جل جلاله اذا كررتوها عند اي معصية تحسون ان صعب عليكم تركها راح تتركون المعصية وانتم مرتاحين وبدون ماتحسون بتعب او جهاد للنفس

كلمة الله جل جلاله لها مفعول راح تلاحظونه وتحسون فيه بنفسكم

كلمة الله جل جلاله عند اي شهوه تصبح هالشهوه اسهل ما في من تركها

ادري ان الناس فيها خير ودها تبعد عن الشهوات بس مرات يتعبون ويجاهدون نفسهم لين يبعدون عن هالشهوات والفتن ومنهم اللي مايقدر على نفسه ويضعف قدام شهواته ويرتكب ماحرم الله والسبب انه ماجاهد نفسه ويمكن جاهد نفسه بس ماقدر لكن صدقوني يااخواني وياخواتي ان اللي يكرر كلمة الله امام اي شهوه او معصيه مايقدر يتركها راح يتركها بعون الله

راح اقولكم على الطريقة كيف

مثلا انسان او انسانه تعرضوا لفتنه من الفتن او شهوه من الشهوات وجاهدوا نفسهم وحسوا بصعوبه ماعليهم الا ان يقولون( ياالله ) ويكررونها اكثر من مرة لين يحسون انهم صاروا اقوى من هالشهوه او الفتنه وبعدها يشكرون الله انه نجاهم من هالمعصية حتى اللي يشرب زقاير اذا حس انه موقادر يترك الزقارة ماعليه الا انه يكرر كلمة ياالله او اللي ينتف شعر راسة نفس الشي

واعطيكم مثال ثاني اذا انسان نظر الي فتاة متبرجة صورة او ماشابه ذلك ماعليه الا ان يقول ( ياالله ) ويكررها اكثر من مره راح يحس براحه ماحس فيها من زمان وراح يبعد عن هالمعصية وهو مرتاح

مثلا انسان يسمع الاغاني ويبي يتركها ماعليه الا ان يكرر كلمة ( ياالله ) اكثر من مره راح يحس انه صار عنده شعور يبعده عن الاغاني

اخواني الشهوات والفتن كثيرة لو ابي اذكرها راح يطول الامر لكن انتم فهمتوا اللي اقصده امام اي فتنه او شهوه ماعليكم الا ان تكررون كلمة( ياالله ) بقلوبكم ولسانكم وابي منكم تقولونها بكل احساس كرروها بكل احساس راح تحسون براحة وراح تشوفون نفسكم اقوى من المعاصي والفتن, والسبب لهذا هو عندما يذكر اسم الله جل جلاله يفر الشيطان وتهدء النفس من ثورتها فإذا هدأت النفس وفر الشيطان رجع الانسان لعقله وابتعد عن المعاصي والفتن بفضل الله, لكن مثل ماقلت لكم كرروا لفظ الجلالة اكثر من مرة وراح تحسون براحة نفسية وشعور جميل وتحسون انكم ابتعدتوا عن هالمعصية وانتم مرتاحين
وانصحكم يااخوان لحد يروح برجله ويعمل معصيه علشان يجرب الشي اللي قلته له انا اقصد اذا ابتليتوا في معصية في يوم من الايام ماعليكم الا ان تكررون كلمة( ياالله ) قبل لا تعملون المعصيه وراح تحسون انكم اقوى من اي فتنه او شهوه واتقوا الله في انفسكم لان اللي يعصي الله وهو يعلم انه يعصيه فهو مذنب اما اللي ابتلى في معصية وحب يبعد عنها وكاره لها بس نفسه تامره بالسوء ماعليه الا ان يقول ياالله اكثر من مره يكررها لين يحس انه صار اقوى من الفتنه او الشهوة وبعدها مثل ماقلت لكم يشكر الله اللي نجاه من هالمعصية

اخواني وخواتي صدقوني اني ابي لكم الخير وحاسة فيكم وعارفة الشهوات والفتن تتعبكم وادري انكم فيكم خير وتحبون الخير بس مرات تغلبكم نفسكم لكن صدقوني كلمة ياالله لها تاثير على كل المعاصي والفتن والشهوات راح تحسون فيه بنفسكم لما تكررون كلمة ياالله امام هالمعاصي اللي نشوفها وبعد ماتحسون انكم ابتعدتوا عن هالمعصية اشكروا الله كثيرا

وعسى ربي يهدينا جميعا ويبعدنا عن المعاصي والفتن ودعواتكم لي

يا الله يا الله يا الله يا الله يا الله يا الله يا الله يا الله يا الله يا الله يا الله يا الله
الله يهدينا جميعنا ويبعد الجميع عن الشهوات والمعاصي
مشكورة اختي

دمعة أسيرة كتب:

يا الله يا الله يا الله يا الله يا الله يا الله يا الله يا الله يا الله يا الله يا الله يا الله
الله يهدينا جميعنا ويبعد الجميع عن الشهوات والمعاصي
مشكورة اختي

العفو غاليتي
يزاج الله خيييييييييير عالمرووووووووووووووور

زهرةالسوسن كتب:

يزاج الله خيييييييييييييييييييير عالمروووووووووووور

*نقاء القلوب* كتب:

كلنا بنخطأ وكلنا بنحاول نبتعد عن المعاصي مهما صغرت او كبرت
هاي الطريقه ان شاء الله تنفعنا جميعا ونبتعد عن جميع المعاصي
بارك الله فيك اختي العزيزه هبة الرحمن وجزاك الله عنا خير الجزاء دنيا واخره

يزاج الله خيييييييييييييييييييير عالمروووووووووووور